PANAGKAWILI TI PANDAY
Agkawili ti panday, agsubli kadagiti agbugsot nga ayat
Para iti ili. Intanem koman dagiti rurog ti darepdep
Ngem a ta adda dagiti bastarda nga in-inabo ti amangaw
Kadagiti telon ti aginaldaw a panagraar, iti pirak kas iti gundaway
Tapno dagiti amin a buteng ti pannakalipat ket mailibak.
Adda ti entablado, kas ti ganas iti panangabak tapno iti pantok
Dagiti agbasbassawag a rugso ket ti di mapadso a nagan!
Kas kadagiti rurog dagiti tarpulin, amin a folieto a mangilista
Iti kari iti napalabas. Aglugaytayo iti masa. Isuda dagiti ari
Ti bosing dagitoy a rito ti pammati iti di panagipatli
Uray kadagiti estoria ti kinakaasi. Adda derosas a sirmata
Iti panagtalek kadagiti maikur-it nga ila. Sadiay, iti papel,
Ket ti sarita ni gumawgawawa. Sangasalup laeng a kinapimpiman.
Limagasut laeng a kinatakneng. Sangaribu laeng a dignidad.
Dagitoy iti ramen ti demokrasia ni kinadaksanggasat.
Namak pay a pagilian daytoy. Kadagiti pader ket ti kur-itan
Ti isu met laeng nga isu a kinamaag. Datdatlag dagiti numero
Ni balligi, kas iti kinadatdatlag ti pananglagip iti agkawili
A panday, agsubli kadagiti bangkag iti barukong tapno sadiay
Manglagip kadagiti atang nga iduldulin iti kinamulmulluong.
Baam ta agpamisatayonto, santo mangiyangkat iti siamsiam.
May 12, 2013/Hon, HI
Agkawili ti panday, agsubli kadagiti agbugsot nga ayat
Para iti ili. Intanem koman dagiti rurog ti darepdep
Ngem a ta adda dagiti bastarda nga in-inabo ti amangaw
Kadagiti telon ti aginaldaw a panagraar, iti pirak kas iti gundaway
Tapno dagiti amin a buteng ti pannakalipat ket mailibak.
Adda ti entablado, kas ti ganas iti panangabak tapno iti pantok
Dagiti agbasbassawag a rugso ket ti di mapadso a nagan!
Kas kadagiti rurog dagiti tarpulin, amin a folieto a mangilista
Iti kari iti napalabas. Aglugaytayo iti masa. Isuda dagiti ari
Ti bosing dagitoy a rito ti pammati iti di panagipatli
Uray kadagiti estoria ti kinakaasi. Adda derosas a sirmata
Iti panagtalek kadagiti maikur-it nga ila. Sadiay, iti papel,
Ket ti sarita ni gumawgawawa. Sangasalup laeng a kinapimpiman.
Limagasut laeng a kinatakneng. Sangaribu laeng a dignidad.
Dagitoy iti ramen ti demokrasia ni kinadaksanggasat.
Namak pay a pagilian daytoy. Kadagiti pader ket ti kur-itan
Ti isu met laeng nga isu a kinamaag. Datdatlag dagiti numero
Ni balligi, kas iti kinadatdatlag ti pananglagip iti agkawili
A panday, agsubli kadagiti bangkag iti barukong tapno sadiay
Manglagip kadagiti atang nga iduldulin iti kinamulmulluong.
Baam ta agpamisatayonto, santo mangiyangkat iti siamsiam.
May 12, 2013/Hon, HI
